Дунёдаги энг хавфли аёл кимлиги маълум қилинди
Эксперт айтганидек, бу шахсга ўта жиддий ёндашиш керак.
AҚШ ва бошқа давлатлар Шимолий Корея Меҳнат партияси Марказий қўмитаси мансабдори, етакчи Ким Чен Иннинг синглиси Ким Ё Чжонга паст баҳо бермаслиги керак.
Шимолий Корея бўйича эксперт Сун Юн Ли телеканалга айтганидек, бу шахсга ўта жиддий ёндашиш лозим.
«Ким Ё Чжон ҳақиқатан ҳам Корея тарихидаги ва балки бутун дунё тарихидаги энг хавфли аёлдир. У нисбатан ёш бўлса-да ( 2023 йил сентябрь ойи охирида 36 ёшга тўлади) унга эътиборсиз бўлиш яхшиликка олиб келмайди», — деб тушунтирди эксперт.
Унинг қўшимча қилишича, Ким Ё Чжон акаси Ким Чен Ин билан бирга Шимолий Кореянинг ядровий арсеналини бошқариши мумкин. Сонг Юн Ли КХДР етакчисининг синглиси амбицияли, ақлли ва шафқатсиз эканини таъкидлади.
Эксперт шунингдек, Ким Ё Чжон ўз мамлакати иерархиясида ўзига хос нуфузли ўрин эгаллашини қўшимча қилган.
