Farg‘ona viloyatining Rishton tumanida ayolini rashk sabab o‘ldirgan erkak 12 yilga qamaldi. Bu haqda “Millar” dasturida xabar qilindi.
Maʼlum bo‘lishicha, holat 2023 yilning 23 mart kuni tumandagi ko‘p qavatli uylarning birida yuz bergan.
Ayblanuvchi erkak va uning sharʼiy nikohida yashab kelayotgan turmush o‘rtog‘i o‘rtasida kelishmovchilik yuzaga kelgan. Janjal davomida sudlanuvchi o‘tkir tig‘li jismni olib, hayot uchun xavfli jarohatlarni yetkazgan. Natijada ayol olgan tan jarohatlari sabab voqea joyida vafot etgan.
Ushbu holat JIB Bag‘dod tumani sudida ko‘rib chiqildi. Sud hukmiga ko‘ra, sudlanuvchi JKning 97-moddasi 1-qismida nazarda tutilgan jinoyatni sodir etganlikda aybli deb topib, unga nisbatan 12 yil muddatga ozodlikdan mahrum qilish jazosi tayinlandi.