Joriy yilning 4-iyul kuni Farg‘ona viloyati Qo‘qon shahar IIB JQB xodimlari tomonidan o‘tkazilgan tezkor tadbir davomida Mehnatobod mahalla hududida yashovchi M.S. ismli ayolning yashash xonadoni xolislar ishtirokida ko‘zdan kechirilganda, tom qismida ko‘knori somonini saqlab kelayotganligi aniqlangan va daliliy ashyo tariqasida olingan.
Mazkur holat yuzasidan Qo‘qon shahar IIB huzuridagi tergov bo‘limi tomonidan jinoyat kodeksining 276-modda 2-qismi “a” bandi bilan jinoyat ishi qo‘zg‘atilib, hozirda tergov harakatlari olib borilmoqda.
“Hurmatli fuqarolar! Giyohvandlik moddalarini isteʼmol qilish sog‘lig‘ingiz uchun xavfli ekanligini, uni saqlash qonunga xilofligi va jinoiy javobgarlikka sabab bo‘lishini esdan chiqarmang”, – deyiladi viloyat IIB xabarida.
Maʼlumot o‘rnida, Jinoyat kodeksining 276-moddasi 2-qismida ko‘rsatilgan jinoyatni sodir etgan shaxs 5 yilgacha ozodlikdan mahrum qilish bilan jazolanishi mumkin.