Isroilliklarga ularning ismi, manzillari va turli tahdidlarni o‘z ichiga olgan matnli xabarlar yuborilmoqda. Unda “Siz keyingi haftaga qadar dafn qilinasiz”, deyilgan yozuvlar mavjud.
Isroil politsiyasi mazkur faktni tasdiqladi va aholidan hech qanday munosabat bildirmaslikni, iloji bo‘lsa, xabar yuborilgan raqamni bloklashni so‘radi.
Yaqin Sharqdagi keskinlashuvning navbatdagi bosqichi Tehronda HAMAS siyosiy byurosi rahbari Ismoil Haniyaning o‘limi va Bayrutda “Hizbulloh” harakati harbiy qanoti qo‘mondonlaridan biri Fuad Shukrning o‘ldirilishidan so‘ng sodir bo‘ldi.
Eron, HAMAS va “Hizbulloh” voqeada Isroilni aybladi va buni javobsiz qoldirmasliklarini bildirdi.