AQSh vitse-prezidenti Kamala Xarris prezidentlik saylovlarida ishtirok etishini rasman ma’lum qildi.
“Men Kamala Xarrisman va AQSh prezidentligiga nomzodimni qo‘yganimni e'lon qilaman”, - deb yozdi u ijtimoiy tarmoqdagi sahifasida.
Siyosatchi tashviqot videosini ham e'lon qildi va amerikaliklarni uning saylov kampaniyasini moliyalashtirishga chaqirdi.
AQShda prezidentlik saylovlari 5-noyabrga belgilangan. O'tgan yakshanba kuni amaldagi prezident Jo Bayden prezidentlik poygasidan chiqishini e'lon qilgandi va o'z vitse-prezidenti Kamala Xarrisning nomzodini Demokratik partiyadan prezidentlikka nomzod sifatida qo'llab-quvvatladi.