Камала Харрис АҚШ президентлик сайловларида иштирок этишини расман маълум қилди
У бу ҳақида ўзининг ижтимоий тармоқдаги саҳифасига пост жойлаштирди.
АҚШ вице-президенти Камала Харрис президентлик сайловларида иштирок этишини расман маълум қилди.
“Мен Камала Харрисман ва АҚШ президентлигига номзодимни қўйганимни эълон қиламан”, - деб ёзди у ижтимоий тармоқдаги саҳифасида.
Сиёсатчи ташвиқот видеосини ҳам эълон қилди ва америкаликларни унинг сайлов кампаниясини молиялаштиришга чақирди.
АҚШда президентлик сайловлари 5 ноябрга белгиланган. Ўтган якшанба куни амалдаги президент Жо Байден президентлик пойгасидан чиқишини эълон қилганди ва ўз вице-президенти Камала Харриснинг номзодини Демократик партиядан президентликка номзод сифатида қўллаб-қувватлади.
