O‘tgan yilning avgust oyida ijtimoiy tarmoqlarda Qashqadaryoda sport ustasi Elbek Rahimov o‘ldirib ketilganligi haqida videoxabar tarqalgandi.
Shundan so‘ng Qashqadaryo viloyat IIB tomonidan olib borilgan tezkor-qidiruv va surishtiruv ishlari natijasida sportchining o‘limi tafsilotlari ochiqlangandi hamda ushbu holat bo‘yicha jinoyat ishi qo‘zg‘atilgandi.
Bugun, 6 yanvar kuni, Qashqadaryo viloyat sudida sudlanuvchilar T.Aliyev va boshqalar (jami 26 shaxs)ga nisbatan jinoyat ishini ko‘rib chiqish bo‘yicha ochiq sud bo'ldi. Ushbu jinoyat ishi Qashqadaryo viloyat sudi sudyasi F.Yusupov raisligida ko‘rildi.
Sudlanuvchilar Jinoyat kodeksining 97, 28,104, 105, 109, 127,137, 169, 210, 211, 230, 238, 241-1, 277 moddalarida nazarda tutilgan jinoyatlarni sodir etganlikda ayblanmoqda.