“Марсел” мухлислари йил охирига қадар жамоасининг сафар ўйинларида қатнашмайдиган бўлди
Футбол бўйича Франция интизом қўмитаси йиғилишида мамлакат чемпионатининг 7-туридан ўрин олган “Анже” – “Марсел” учрашуви тўғрисида қарор қабул қилинди.
Хабарларга кўра, “Анже” мухлислари учун чемпионатнинг икки ўйинида иштирок этиши ман этилди. “Марсел” мухлисларига эса 2021 йил охиригача жамоанинг сафар ўйинларига ташриф буюриши тақиқланди. Шунингдек, ушбу клубдан бир очко шартли равишда олиб ташланди.
Эслатиб ўтамиз, “Анже” – “Марсел” ўйинидан сўнг Марсел мухлислари майдонга кириб, “Анже” мухлислари олдига югурди. Шундан сўнг иккала жамоа мухлислари майдонга тушганидан сўнг, катта муштлашув бошланган.
Аввалроқ “ПСЖ” Мессининг маоши ҳақидаги миш-мишларни рад этгани ва Месси ва Франция президенти Мбаппени Парижда қолишини истаётгани ҳақида хабар берилганди.
Жамшидбек Амиров
