Tezkor tadbirlar davomida Farg‘ona viloyatining Oltiariq tumanida “Isuzu” avtomobili orqali bojxona rasmiylashtiruvidan o‘tmagan tibbiy uskunalarni olib kirayotgan shaxs ushlangan.
Aniqlanishicha, avtomashina yukxonasida xorijda ishlab chiqarilgan va umumiy qiymati 80 million so‘mlik 2 dona lazerli tibbiyot uskunalari bor bo‘lgan.
Shuningdek, Namangan shahrida o‘tkazilgan tezkor tadbirda “Damas” rusumli avtomashina orqali umumiy qiymati 44 mln so‘mlik 11 ming dona tibbiyot buyumlari noqonuniy olib kirilayotgani aniqlangan.
Bundan tashqari, Namangan shahrida yashovchi fuqaroning yashash xonadoni ko‘zdan kechirilganda, uning uyidan umumiy qiymati 106 mln so‘mlik 31 ming dona tibbiyot buyumlari topilgan.
Hozirda mazkur holatlar yuzasidan bojxona organlari tomonidan surishtiruv harakatlari olib borilmoqda.