“Napoli”da klub rahbariyati va jamoaning keyingi yillardagi eng zo‘r to‘purari Viktor Osimhen o‘rtasidagi mojaro kelib chiqdi.
Mutasaddilar nigeriyalik hujumchini A Seriya qaydnomasidan chiqarib, uning raqamini yangi forvard Romelu Lukakuga berib yubordi. Manbaning ta’kidlashicha, klub va futbolchi o‘rtasidagi munosabatlar butkul buzilgan.
“Napoli” Viktor Osimhen transferidan pul ishlab olishga harakat qilgandi. Yozgi transferlar oynasi yopilishi arafasida 25 yoshli o‘yinchi “Chelsi”ning katta taklifini rad etdi va Angliyaga ko‘chib o‘tishdan bosh tortdi.
Agar klub Osimhenni o‘ynatmasa, mashhur charm to‘p ustasida Arab mamlakatlari taklifini qabul qilish varianti bor.