"O‘zenergoinspeksiya" 2024-yil yanvar oyida 995 ta iste’molchi elektr energiyasi va tabiiy gazdan noqonuniy foydalanishi oqibatida tizimga 94,5 so‘m zarar yetkazilganini ma’lum qildi.
Bir oyda 995 ta iste’molchi tomonidan elektr energiyasi va tabiiy gazdan noqonuniy foydalanishi natijasida tizimga 94 milliard 542 million so‘m zarar yetkazildi.
Qayd etilishicha, yanvar oyida Energetika vazirligi huzuridagi "O‘zenergoinspeksiya" ishtirokida Bosh prokuratura hamda huquqni muhofaza qiluvchi organlar, elektr va gaz ta’minoti korxonalari mutaxassislari bilan hamkorlikda o‘tkazilgan nazorat tadbirlarida 995 ta iste’molchi tomonidan energiya resurslaridan noqonuniy foydalanish holatlari aniqlandi. Unga ko‘ra 20 mln 486 ming kVt⋅soat elektr energiyasi va 47,3 million metr kub tabiiy gaz talon-taroj qilingan bo‘lib, davlat manfaatlariga jami 94 miliard 542 million so‘m zarar yetkazilgan.
Respublikaning barcha hududlarida Inspeksiya tomonidan 24 969 ta profilaktika tadbir o‘tkazildi. Shuningdek, energiya resurslaridan foydalanish qoidalarini buzish bilan bog‘liq huquqbuzarlik bo‘yicha 937 ta ma’muriy ish rasmiylashtirildi.
Energiya samaradorligi, avariya va texnika xavfsizligi qoidalariga rioya etilishi yuzasidan 14 ta davlat korxona va muassasasida nazorat tadbirlari o‘tkazildi. Ta’minotchi korxonalar tomonidan amalga oshirilgan ishlar yuzasidan 1 540 ta ob’yekt hamda 2 565 ta ijtimoiy soha ob’yekti o‘rganildi.