NATO ittifoqchilari o‘rtasida bir necha oy davom etgan muzokaralardan so‘ng, Turkiya, Ruminiya va Bolgariya rasmiylari Qora dengizni minalardan tozalash bo‘yicha kelishuvga erishdi.
Xabar berilishicha, 11 yanvar kuni Turkiya va Ruminiya mudofaa vazirlari hamda Bolgariya mudofaa vaziri o‘rinbosari tomonidan Istanbulda memorandum imzolangan.
“Bu ishlarni amalga oshirish uchun har bir mamlakatdan uchta mina tozalovchi va bitta qo‘mondonlik-boshqaruv kemasi jalb qilinadi”, deyiladi Turkiya Mudofaa vazirligi taqdim etgan bayonotda.