Россия FIFA ва UEFA’нинг тақиқига мутлақо қўшилмайди
Россия футбол иттифоқи ушбу тақиқларни камситувчи қарор сифатида қабул қилган.
Россия футбол иттифоқи FIFA ва UEFA’нинг Россия жамоалари ва клубларининг барча мусобақалардан четлатилишига муносабат билдирди.
"Россия FIFA ва UEFA’нинг Россиянинг барча жамоаларини номаълум муддатга халқаро ўйинларда иштирок этишдан четлаштириш ҳақидаги қарорига мутлақо қўшилмайди.
Бизнинг фикримизча, бу қарор халқаро мусобақалар меъёр ва тамойилларига, спорт руҳига зиддир. Бу очиқ-ойдин камситувчи хусусиятга эга ва жуда кўп сонли спортчилар, мураббийлар, клублар ва терма жамоалар ходимларига, энг муҳими, халқаро спорт ташкилотлари манфаатларини биринчи навбатда ҳимоя қилишлари керак бўлган миллионлаб россиялик ва чет эллик мухлисларга зарар етказади.
"Бундай хатти-ҳаракатлар тенглик, ўзаро ҳурмат ва сиёсатдан мустақиллик тамойилларига доимо амал қилиб келган жаҳон спорт жамоатчилигини иккига бўлиб юбормоқда. Биз халқаро спорт қонунчилигига мувофиқ FIFA ва UEFA қарорига эътироз билдириш ҳуқуқини сақлаб қоламиз", - дейилади хабарда.
Эслатиб ўтамиз, аввалроқ, "Шалке 04" "Гаспром" билан шартномани бекор қилгани ҳақида хабар берилганди.
