Самарқандлик аёл эрини тириклайин ёқиб юборди
“Бор-йўғи 1,5 литр бензин тўкдим ва ёқдим”, — дейди у.
Самарқандда 32 ёшли аёл маст ҳолатда бўлган турмуш ўртоғининг оёқ-қўлларини арқон билан боғлаб, устига бензин сепиб, тириклай ёқиб юборди.
Суд ҳужжатларида келтирилишича, марҳум ва аёл ўртасида тез-тез жанжал бўлиб турган. Судланувчи жанжалнинг сабабини эри охирги пайтларда уйга пул олиб келмагани ва уни бошқа эркаклар билан гаплашаётганликда айблаб, рашк қилгани билан боғлаган.
Шу куни ҳам эркак аёлга бир шапалоқ туширган. Шундан кейин аёл эркакнинг қўл-оёғини боғлаб, танишига бензин буюртма қилган.
“Ўғлимни ўлдираман дегани учун бор-йўғи 1,5 литр бензин тўкдим ва ёқдим”, — дейди айбланувчи.
Суд ҳукми билан айбланувчи Жиноят кодексининг 97-модда (қасддан одам ўлдириш) 2-қисми билан айбли деб топилди ва унга 12 йил муддатга озодликдан маҳрум этиш жазоси тайинланди.
