Bundan tashqari, soliqlar va shunga o‘xshash boshqa majburiy to‘lovlar to‘lashdan atay bo‘yin tovlash ham jarima solinishiga olib keladi. Jumladan, yuqoridagi hatti-harakatlar uchun fuqarolardan BHMning 3 baravaridan 5 baravarigacha, mansabdor shaxslardan esa 5 baravaridan 7 baravarigacha miqdorda jarima undirib olinadi.
Agar xuddi shunday huquqbuzarlik bir necha marta sodir etilgan bo‘lsa, unda jarimaning miqdori ham ko‘payadi. Bu holatda fuqarolarga BHMning 5 baravaridan 10 baravarigacha, mansabdor shaxslarga esa 10 baravaridan 15 baravarigacha miqdorda jarima solinadi.
Shu o‘rinda, daromadlar to‘g‘risida deklaratsiya taqdim etishdan bo‘yin tovlash, deklaratsiyani o‘z vaqtida taqdim etmaslik yoki unda atayin noto‘g‘ri maʼlumotlarni taqdim etish ham BHMning 1 baravaridan 3 baravarigacha miqdorda jarimaga olib keladi.
Eslatib o‘tamiz, bundan avval ayrim huquqbuzarliklar bo‘yicha jarimalar miqdori kamaytirilayotgani hamda 25 yoshdan oshmagan xodimlar uchun ijtimoiy soliq summasi davlat byudjetidan qoplanishi haqida xabar berilgandi.
Olamgir Abdiyev