Тўқаев Қозоғистон ҳукуматини тарқатиб юборди
Президент бу бўйича махсус фармонни имзолади.
Бугун президент Қосим-Жўмарт Тўқаев "Қозоғистон Республикаси ҳукумати тўғрисида"ги фармонни имзолади. Бу ҳақда Zakon.kz нашри хабар берди.
Фармон матнида президент Қозоғистон ҳукуматининг истеъфосини қабул қилишга қарор қилгани қайд этилган.
"Қозоғистон Республикаси Бош вазирининг вазифалари вақтинча Роман Василевич Скляр зиммасига юклансин", — дейилади ҳужжатда.
Унда, шунингдек, Қозоғистон Республикаси ҳукумати аъзолари "ҳукуматнинг янги таркиби тасдиқланмагунча ўз вазифаларини бажаришда давом этиши" белгиланган. Фармон имзоланган кундан бошлаб кучга киради.
