Qizig‘i shundaki, ular asosan Gentra rusumli avtomobillarning birato‘la to‘rttala balonini ham yechib olib o‘rniga g‘isht qo‘yib ketardi.
O‘g‘rilar nafaqat qarovsiz qolgan avtomobillar, balki avtoturargohga qo‘yib ketilgan mashina balonlarini ham bir zumda o‘marib ketishgan.
Bemor sifatida respublika shoshilinch tez tibbiy yordam ilmiy markaziga kelgan fuqaro o‘zining Lacetti rusumli avtomashinasini kasalxona avtoturargohida qoldirib ichkariga kirgan. Xastaligi jiddiy bo‘lgani uchun uchun uni kasalxonadan qaytib chiqish imkoniyati bo‘lmagan. O‘sha kuni tungi soat 01:20 da esa kutilmaganda uning avtomashinasiga ulangan pult signalizatsiyasi ishlab ketadi. Bemorning ahvoli og‘ir bo‘lgani uchun mashinasidan xabar olish imkoni bo‘lmaydi. Bu imkoniyatdan foydalangan o‘g‘rilar uning avtomashinasini 4 ta g‘ildiragini yechib ketishadi.
Jinoyat qidiruv xodimlari tomonidan shifoxona kameralari ko‘zdan kechirilganda jinoyat sodir etishda gumonlanayotgan shaxslar voqea joyiga oq rangli Spark avtomashinasida kelgani maʼlum bo‘ldi va tezda avtoulov qayd etilgan manzilga yo‘l olindi. Gumondor I.A va T.A xonadoni ko‘zdan kechirilganda Gentra rusumli avtoulovga tegishli shina va disklar topiladi.
Tergov haraktlari davomida aniqlanishicha, ikkala shovvoz avval ham poytaxtning Yunusobod, Chilonzor, Uchtepa tumanlarida 7 ta avtomobil balonini yechib, ularni ehtiyot qismlar do‘koniga pullagan.
Gumondor I.A va T.A.ga Jinoyat kodeksining 169 moddasiga asosan qamoqqa olish ehtiyot chorasi qo‘llanilgan.
Hozirda ularning boshqa jinoyatlarga aloqadorligi tekshirilmoqda.