Трампга президентлик сайловларида қатнашишга рухсат берилди
Бу ҳақда АҚШ олий суди маълум қилган.
АҚШ Олий суди Колорадо судининг Доналд Трампнинг АҚШ президентлигига номзодини қўймаслиги ҳақидаги қарорини бекор қилди. Штат суди собиқ президент 2021 йил январь ойида Капитолийга бостириб киришда иштирок этганини таъкидлаган.
Олий суд қарорига кўра, фақат Конгресс уни президентликка номзодлар рўйхатидан чиқариб ташлаши мумкин.
"Бу Америка учун катта ғалаба", - деб ёзган Трамп ўзининг ижтимоий медиа платформасида.
2023 йил декабрь ойида Колорадо суди Трампни президентликка лойиқ эмаслиги ва АҚШ Конституциясига кўра тақиқланган намойишда қатнашгани сабабли штатдаги Республикачиларнинг бирламчи сайлов бюллетенидан олиб ташланиши ҳақида қарор чиқарганди. Намойиш деганда Трампнинг 2021 йил 6 январда Капитолийга бостириб киришда иштироки назарда тутилмоқда.
Эслатиб ўтамиз, 2020 йилда Трамп президентлик сайловларида Жо Байденга ютқазганди. Шундан сўнг собиқ президент Вашингтондаги нутқида, овоз бериш натижалари сохталаштирилганини иддао қилиб, мағлубиятни тан олишдан бош тортганди ва тарафдорларини курашга чақирганди.
