AQSh Oliy sudi Kolorado sudining Donald Trampning AQSh prezidentligiga nomzodini qo‘ymasligi haqidagi qarorini bekor qildi. Shtat sudi sobiq prezident 2021-yil yanvar oyida Kapitoliyga bostirib kirishda ishtirok etganini ta'kidlagan.
Oliy sud qaroriga ko‘ra, faqat Kongress uni prezidentlikka nomzodlar ro‘yxatidan chiqarib tashlashi mumkin.
"Bu Amerika uchun katta g'alaba", - deb yozgan Tramp o'zining ijtimoiy media platformasida.
2023-yil dekabr oyida Kolorado sudi Trampni prezidentlikka loyiq emasligi va AQSh Konstitutsiyasiga ko'ra taqiqlangan namoyishda qatnashgani sababli shtatdagi Respublikachilarning birlamchi saylov byulletenidan olib tashlanishi haqida qaror chiqargandi. Namoyish deganda Trampning 2021-yil 6-yanvarda Kapitoliyga bostirib kirishda ishtiroki nazarda tutilmoqda.
Eslatib o'tamiz, 2020-yilda Tramp prezidentlik saylovlarida Jo Baydenga yutqazgandi. Shundan so'ng sobiq prezident Vashingtondagi nutqida, ovoz berish natijalari soxtalashtirilganini iddao qilib, mag‘lubiyatni tan olishdan bosh tortgandi va tarafdorlarini kurashga chaqirgandi.