Forbes xabariga ko‘ra, xakerlar Google texnik yordami nomidan soxta elektron pochta xabarlarini yuborib, Gmail foydalanuvchilarini aldashga harakat qilmoqda. Ularda “hisob qaydnomangiz bilan muammo bor” degan yolg‘on ogohlantirishlar va havolani bosish talablari mavjud.
Alohida xavf shundaki, bu xabarlar ko‘pincha haqiqiy Google domenlaridan yuborilgandek ko‘rinadi, bu esa foydalanuvchilarni chalg'itadi. Natijada shaxsiy ma’lumotlar va parollar o‘g‘irlanishining xavfi ortadi.
Google rasmiylariga ko'ra, texnik yordam hech qachon parolni o‘zgartirish yoki elektron pochta orqali ma’lumot tasdiqlashni so‘ramaydi. Foydalanuvchilarga bunday xabarlarga e’tibor bermaslik va shubhali havolalarga kirmaslik tavsiya etiladi.