Хакерлар Gmail аккаунтларига оммавий ҳужум қилмоқда
Шу тарзда улар шахсий маълумотларни ўғирлашади.
Forbes хабарига кўра, хакерлар Google техник ёрдами номидан сохта электрон почта хабарларини юбориб, Gmail фойдаланувчиларини алдашга ҳаракат қилмоқда. Уларда “ҳисоб қайдномангиз билан муаммо бор” деган ёлғон огоҳлантиришлар ва ҳаволани босиш талаблари мавжуд.
Алоҳида хавф шундаки, бу хабарлар кўпинча ҳақиқий Google доменларидан юборилгандек кўринади, бу эса фойдаланувчиларни чалғитади. Натижада шахсий маълумотлар ва пароллар ўғирланишининг хавфи ортади.
Google расмийларига кўра, техник ёрдам ҳеч қачон паролни ўзгартириш ёки электрон почта орқали маълумот тасдиқлашни сўрамайди. Фойдаланувчиларга бундай хабарларга эътибор бермаслик ва шубҳали ҳаволаларга кирмаслик тавсия этилади.
