Бухорода БухДУга киритиб қўйишни ваъда қилиб $4 минг олган фирибгар ушланди
Бухоро вилоятида ўтказилган тадбирда ўқишга киритиб қўйишни ваъда қилган ўқитувчи ва унинг шериги ушланди.
Бош прокуратура ҳузуридаги Департаментнинг Бухоро шаҳар бўлими ҳамда ДХХнинг Бухоро вилояти бошқармаси томонидан ўтказилган тезкор тадбирда, фуқаро S.A. Бухоро давлат университети ўқитувчиси Б.Ў. билан олдиндан тил бириктириб, фуқаро R.ni ваколатли танишлари орқали ушбу таълим муассасасига ўқишга киритиб қўйиш эвазига бошқа бир фуқаро Sh.orqali 4 000 АҚШ долларни фирибгарлик йўли билан олган вақтида ашёвий далиллар билан ушланганлар.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
