Бугун Тошкентда “Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар” мавзусидаги олий даражали халқаро конференция ўз ишини бошлайди
Бугун Тошкентда “Марказий ва Жанубий Осиё: минтақавий ўзаро боғлиқлик. Таҳдидлар ва имкониятлар” мавзусидаги олий даражали халқаро конференция ўз ишини бошлайди.
Хусусан, аввалроқ унда иштирок этиш учун юртимизга Россия ташқи ишлари вазири Сергей Лавров ва Туркия ташқи ишлар вазири Мевлут Чавушўғлунинг ташриф буюргани ҳақида хабар берган эдик.
Хабарларга кўра, анжуманни ёритиш учун Тошкентга тўқсонга яқин журналист ва бошқа оммавий ахборот воситалари вакиллари ташриф буюришган.
Эслатиб ўтамиз, олий даражадаги мазкур конференция транспорт-логистика, энергетика, савдо, ишлаб чиқариш, инвестиция, технологик ва маданий-гуманитар соҳаларда “Марказий Осиё - Жанубий Осиё” форматидаги ўзаро манфаатли стратегик алоқа моделини кўп томонлама муҳокама қилиш учун сиёсий ва экспертлар майдонини шакллантиришга мўлжалланган.
