Коронавирусга қарши эмланганларга 100 доллардан берилади
Нью-Йорк шаҳри аҳолиси 30 июлдан бошлаб COVID'га қарши эмлаш учун 100 АҚШ доллар олади.
Маълумотларга кўра, шаҳардаги эмлаш марказига ташриф буюрганларнинг ҳаммаси коронавирусга қарши вакцинанинг биринчи дозаси учун пул олади.
Пул маблағларини олиш учун аҳоли махсус веб-сайтда рўйхатдан ўтишлари керак.
Эмлаш учун маблағ ажратилиши шаҳарда коронавирус билан касалланиш сонининг кескин кўпайиши билан боғлиқ.
Аввалроқ шаҳар ҳокимияти вакцинация барча ишчилар учун мажбурий эканлигини айтган эди. Акс ҳолда, одамлар ҳафталик қатъий тест протоколларидан ўтишлари керак бўлади.
Аввал хабар қилинганидек, АҚШнинг катталар аҳолисининг 60 фоиздан ортиғи COVID'га қарши вакцина олган.
Насиба Тўхтаева
