Пойтахтнинг икки туманида "Модерна" вакцинаси билан эмлаш ишлари бошланди
Bugun, Toshkent shahrining Mirzo-Ulug‘bek va Olmazor tumanida “Moderna” vaksinasi bilan emlash ishlari boshlandi.
Mirzo-Ulug‘bek tumanidagi 9-sonli oilaviy poliklinikasida mazkur OP uchun har biri 15 dozani o‘z ichiga olgan jami 30 ampula ajratildi. Saqlash sharoitlariga qatʼiy rioya qilinmoqda.
Vaksina ikki dozada qilinadi. Oraliq davr - 28 kun. Mazkur vaksinani istalgan odam o‘z oilaviy poliklinikasida olishi mumkin.
Olmazor tumaniga ham COVAX dasturi doirasida ajratilgan Moderna vaksinasi olib kelindi.
Tumandagi barcha oilaviy poliklinikalarda tashkil etilgan emlash punktlarida bugundan boshlab Moderna vaksinasi bilan emlash ishlari boshlandi.
