Фотиҳаси бузилгани учун ўз жонига қасд қилган қизнинг жасади ҳамон қидирилмоқда

 

 

Унда айтилишича, 2001 йилда туғилган Д.Э унаштирилган бўлган. Бўлажак турмуш ўртоғининг қариндошлари билан юзага келган келишмовчилик сабаб фотиҳаси бузилади. Қиз 14 август куни  Тупроққалъа тумани Питнак шаҳар ҳудудидан оқиб ўтаётган каналга ўзини ташлаб, жонига қасд қилади. Видеолавҳада Д.Энинг онаси қизининг чўкканига 10 кун бўлганига қарамай жасади ҳали ҳам топилмаганини айтади. Аёллнинг билдиришича айни пайтда қидирув жараёнлари тўхтатилган. Маҳаллий давлат идоралари томонидан ҳам бирон кўмак кўрсатилмаяпти.

 

Мазкур хабар юзасидан Zamon.uz мухбири Хоразм вилояти ФВБ матбуот хизмати раҳбари Шодлик Ҳасанов билан боғланди. Мутахассисининг берган маълумотига кўра қидирув жараёнлари тўхтамаган.

 

“Бутун туман оёққа турган. Фуқаронинг сувга чўкканлиги ҳақидаги хабар келиб тушган вақтдан бошлаб қидирув жараёнлари кетмоқда. Фавқулодда вазиятлар вазирлигининг Хоразм вилояти бошқармаси қидирув-қутқарув гуруҳи томонидан “Тошсоқа” чап қирғоқ каналида сувда қидирув ишлари олиб борилмоқда. Канал оқими бўйлаб, Тупроққалъа, Хазорасп, Боғот, Хонқа туманлари, Урганч шаҳар ва тумани Фавқулодда вазиятлар бўлимларидан масъул ходимлар қидирув ишларига сафарбар этилган”

 

Шодлик Ҳасановнинг таҳририятимизга маълум қилишича, қидирув-қутқарув жараёнига барча алоқадор хизматлар жалб қилинган. Мавжуд имкониятлардан тўлиқ фойдаланилмоқда. Оила аъзолари билан якка тартибда суҳбат ўтказилган.

 

Аввалроқ, 1995 йилда туғилган Р.Рнинг Наманган вилояти “Норин” дарёсида чўкиб кетгани ҳақида хабар берган эдик.

 

Муножат Валиева