«Афросиёб» поездининг қўшимча рейслари йўлга қўйилмоқда
Ўзбекистон мустақиллигининг 30 йиллиги байрами арафасида йўловчиларга янада кўпроқ қулайлик яратиш мақсадида «Афросиёб» поездининг қўшимча рейслари йўлга қўйилади, деб хабар бермоқда «Ўзтемир йўлйўловчи» матбуот хизмати.
Унга кўра, 30-, 31 август ҳамда 1 сентябрь кунлари Тошкент—Самарқанд—Тошкент йўналишида 764/763-сонли «Афросиёб» юқори тезликда ҳаракатланувчи замонавий поездларининг қўшимча қатнови йўлга қўйилади.
- 764-сонли «Афросиёб» замонавий поезди ушбу кунларда Тошкент марказий темир йўл вокзалидан 08:30 да;
- 763-сонли «Афросиёб» замонавий поезди Самарқанд темир йўл вокзалидан 17:00 да ҳаракатини амалга оширади.
Аввалроқ, «Афросиёб» поезди ҳаракат жадвалига ўзгартириш киритилгани тўғрисида хабар бергандик.
