Қашқадарёда собиқ ўқувчи ўзи ўқиган мактаб таъмири учун 2.5 миллиард сўм ажратди
Қашқадарё вилояти Қамаши туманидаги 37-мактабда мактабнинг собиқ ўқувчиси, тадбиркор Сирожиддин Холиёров муассасанинг тўлиқ таъмири учун 2.5 миллиард сўм ажратди.
Бу ҳақида вилоят Халқ таълими бошқармаси матбуот хизмати хабар берди.
Шунингдек, мактаб ҳовлисида замонавий спорт майдони ҳам қурилиб, ўқувчилар ва маҳаллий ёшлар фойдаланиши учун шароит яратилган.
Туман ҳокими ва тадбир меҳмонлари мактабда бўлиб, яратилган шароитларни билан яқиндан танишган. Мактаб китоб фондига Республика Маънавият ва маърифат марказининг китоблари совға қилинган.
Эслатиб ўтамиз, аввалроқ Халқ таълими вазирлиги 6 ойда хизмат сафарлари учун 400 миллионга яқин харажат қилиши ҳамда мактабларда молиявий саводхонлик курси ўтилиши айтилганди.
