Маст ҳолда рулга ўтирган кексалар иши судда кўрилади
Жорий йилнинг 7 сентябрь куни Нукус шаҳри Ўзбекистон шоҳ кўчасида хизмат олиб бораётган йўл-патруль хизмати ходимлари томонидан У.А. бошқарувидаги “Cobalt” русумли автомашинага ўрнатилган тартибда тўхташ ишораси кўрсатилган. Бироқ ҳайдовчи ишорага бўйсунмай, қочиб кетган.
Ҳуқуқни муҳофаза қилувчи органлар томонидан ўтказилган тезкор тадбир давомида бўйсунмаган ҳайдовчи тўхтатилган. Сўнгра ҳайдовчининг ҳужжатлари текширилиб, унинг спиртли ичимлик ичгани маълум бўлган. Аввалига ҳайдовчи маст эканлигини тан олмайди. Инспектор унинг мастлик ҳолатини аниқлаш мақсадида тиббий кўрикка олиб боради. Текширув жараёнида ҳайдовчининг маст ҳолатда экани аниқ бўлади.
Шу куни Нукус шаҳридан Жийдали Байсун кичик шаҳарчасида аёл киши бошқарувидаги “Lada largus” автомашинаси ҳам тўхтатилди. Суриштирув жараёнида ундан спиртли ичимлик ҳиди келаётгани маълум бўлди. Республика наркология диспансери таҳлили аёлнинг ҳақиқатда маст эканини кўрсатди.
Ушбу ҳолатлар бўйича ҳужжатлар расмийлаштирилиб, Нукус шаҳар жиноят ишлари бўйича судига тақдим этилди. Автомашиналар вақтинча жарима майдончасига жойлаштирилди.
Аввалроқ Тошкент шаҳрида ичкилик оқибатида фуқаро жиноятга қўл ургани хақида хабар берган эдик.
Муножат Валиева тайёрлади.
