Афғонистон бешта мамлакатдан гуманитар ёрдам олди
Афғонистон бешта мамлакатдан гуманитар ёрдам олди, дея хабармоқда “Аnadolu”.
Кеча Покистондан озиқ-овқат ва дори-дармонлар ортилган битта самолёт Кобулга, иккитаси Қандаҳор ва Хостга қўнди.
Кобулга БАА, Баҳрайн ва Қатардан ҳам инсонларварлик ёрдами етиб келди.
“Толибон” Туркманистондан қуруқлик орқали яна бир гуманитар ёрдам партияси келганини хабар қилди.
БМТ жаҳон мамлакатларини Афғонистонда очлик хавфи борлиги ҳақида огоҳлантирган эди. Афғонистонликларнинг ярмидан кўпи бугун тўйиб овқатланмайди. Мамлакатда дори-дармонлар танқислиги кузатилмоқда.
Эслатиб ўтамиз, БМТ Афғонистонга парвозлар тиклаётганини, мамлакатдаги 160 гуманитар ташкилот ўз фаолиятини давом эттириши мумкинлигини билдирди.
Аввалроқ “Толибон” сиёсий офиси раиси ўринбосари Шер Муҳаммад Аббос Станекзай Қатарда БМТ Бутунжаҳон озиқ-овқат дастури вакиллари билан учрашгани ҳақида хабар бергандик.
Насиба Тўхтаева
