2021 йил бошидан буён Тошкент шаҳар тез тиббий ёрдам хизматига 700 мингдан ортиқ қўнғироқлар келиб тушган

 

Маълумотларга кўра, 2021 йилнинг беш ойи мобайнида сўровларнинг умумий сони тўрт миллиондан ошди, 1,1 миллиондан ортиқ беморга стационар муассасаларда ёрдам кўрсатилди.

 

Қайд этилишича, бутун дунёда бўлгани каби, Ўзбекистонда ҳам пандемия муносабати билан тез ёрдамга қўнғироқлар кўпайган.

 

2021 йил бошидан 28 августгача Тошкент шаҳар тез тиббий ёрдам хизматига пойтахт аҳолиси ва меҳмонларидан жами 721 353 та қўнғироқ келиб тушди. Улардан 28,579 та бемор коронавирус билан касалланган деб гумон қилинган, улардан 26607 таси катталар ва 1972 таси ёш болалардир.

 

Ҳозирда «103» шаҳар салл-маркази ҳар куни ўртача 3200 дан 3500 гача қўнғироқларга хизмат кўрсатади, уларга 40 оператор жавоб беради ва «МедДата-103» автоматлаштирилган тизими ёрдамида тез тиббий ёрдам гуруҳларининг планшетларига ўтказилади.

 

Пойтахт тез тиббий ёрдам гуруҳларида ҳар куни 300 га яқин тиббиёт ходимлари хизмат кўрсатмоқда. Тошкент шаҳар тез тиббий ёрдам хизматининг 12 та подстанцияларида 250 та гуруҳ ва 2,5 мингга яқин шифокорлар, ҳамширалар ва ҳайдовчилар ишлайди.

 

Хабарда айтилишича, барча тез тиббий ёрдам гуруҳлари шахсий ҳимоя воситалари билан тўлиқ жиҳозланган, шунингдек, етарли захиралар билан таъминланган.

 

Эслатиб ўтамиз, аввалроқ коронавирус бўйича кунлик ҳолатлар 700 дан ошганди ҳамда Тошкентда тез ёрдамга бир кунда 45 мингдан ортиқ чақириқ келиб тушмоқда.