Яқин кунларда Эрон ядро дастури бўйича музокараларнинг янги раунди бошланади
Эрон яқин кунлар ичида ядро келишуви музокараларига қайтади. Бу ҳақда Ташқи ишлар вазирлиги расмий вакили Саид Хатибзода маълум қилди.
“Биз бу жараённи бир дақиқага бўлса ҳам тўхтатмоқчи эмасмиз”, — деган Хатибзода.
Шу билан бирга расмий вакил музокаралар иштирокчиларидан “амалий қадамлар” кутилаётганини айтган. Шу билан бирга Эрон “Умуммий қўшма дастурлар режаси” келушуви доирасидан ташқарига чиқадиган мажбуриятларни бўйнига олмаслиги қайд этилган.
“Ҳамкорликдаги умумий ҳаракатлар дастури” бир томондан Эрон, иккинчи тарафдан АҚШ, Россия, Хитой, Франция, Буюк Британия ва Германия ўртасидаги келишувдир. У 2015 йилда имзоланган. Унга кўра, расмий Теҳрон ядро қуролини яратишдан воз кечиши, Ғарб эса босқичма-босқич мамлакатга жорий қилинган санкцияларни бекор қилиши кўзда тутилган. Бироқ 2018 йилда АҚШ шартномадан чиққанини эълон қилди. Ўша пайтдаги Президент Дональд Трамп бу келишув Яқин Шарқда ядро пойгасини кучайтириб юборишини сабаб қилиб кўрсатган эди.
Жозеф Байден президент этиб сайлананидан сўнг, Вашингтон Эрон билн музокараларга киришган. У Вена шаҳрида бўлиб ўтмоқда.
Эслатиб ўтамиз, аввалроқ Шимолий Корея қанотли ракеталар синови ўтказгани хабар қилинган эди.
Жаҳонгир Қўзиев
