Қайд этилишича, 2021 йилнинг 11 сентябрь куни соат 01:00 да Қашқадарё вилояти Шаҳрисабз тумани Фавқулодда вазиятлар бўлимининг 1050 қисқа рақами орқали Шаҳрисабз тумани «Пиллакашлик» МФЙда истиқомат қилувчи фуқаронинг сигири ҳовлисида қазилган чуқурлиги 4 метр бўлган қудуққа тушиб кетгани ҳамда уни олиб чиқишда амалий ёрдам сўраб мурожаат қилган.

 

Мазкур мурожаат юзасидан, туман ёнғин-қутқарув отряди айтилган манзилга зудлик билан етиб борди.

 

Қутқарувчилар томонидан олиб борилган тезкор ҳаракатлар натижасида махсус қутқарув асбоб-анжомлари ёрдамида сигир қудуқдан чиқариб олинди.

 

Аввалроқ, Қашқадарё вилоятининг Шаҳрисабз шаҳрида чуқурлиги 5 метр бўлган қудуққа сигир тушиб кетгани ҳақида хабар берилганди.