“Chevrolet Onix” сотувга чиқдими? "UZAUTO MOTORS" муносабат билдирди
Кеча, 14 сентябрь куни ижтимоий тармоқларда “Chevrolet Onix автомобили сотувга чиқди” деган мазмунда видео тарқалди. Мазкур видео юзасидан "UZAUTO MOTORS" муносабат билдирди.
Қайд этилишича, компания келтирилган маълумотнинг асоссиз эканлигини расман эълон қилди.
"Бугунги кунда сотувда мавжуд бўлган автомобиллар рўйхати билан uzautomotors.com сайти орқали танишишингиз мумкин. Қолаверса, Chevrolet Onix русумли автомобилнинг сотуви бошланиши ҳақида биз расмий каналларимизда эълон қиламиз", дейилади хабарда.
Маълум қилинишича, Chevrolet Onix автомобилини ягона платформадаги ишлаб чиқариш имконини берадиган ўрнатиш вa ишга тушуриш ишлари жорий йилнинг июль-август ойида олиб борилган.
Шунингдек, келтирилган видеода сотув бошланганлиги ҳақида ҳеч қандай гап йўқлиги таъкидланган.
Автомобиллар сотуви ҳамда нархи бўйича маълумотларни компаниянинг расмий каналларидан ёки @uzavtosavdo_bot телеграм боти орқали ҳамда компаниянинг call center марказидан билиб олишингиз мумкин, дейилган маълумотда.
