Хива шаҳрида “Марказий Осиё дунё цивилизациялари чорраҳасида” номли халқаро маданий форум ўз ишини бошлади
Аввалроқ, Президент Шавкат Мирзиёев томонидан Хива шаҳрида ташкил этилаётган “Марказий Осиё жаҳон цивилизациялари чорраҳасида” маданий форуми доирасида ўтган Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамиятининг конгрессида юртимизда амалга оширилаётган кенг миқёсли ислоҳотларга ва айниқса маданий мерос ва маънавиятга давлат миқёсида берилаётган улкан эътибор алоҳида эътироф этилгани ҳақида хабар берган эдик.
Давлатимиз раҳбари БМТ Бош Ассамблеясининг 75-сессиясида сўзлаган нутқида ЮНЕСКО билан ҳамкорликда 2021 йилда Хива шаҳрида «Марказий Осиё жаҳон цивилизациялари чорраҳасида» мавзусида халқаро форум ўтказиш ташаббусини илгари сурган эди. Бугун ушбу халқаро форум Хива шаҳрида янги барпо этилган “Фаровон” меҳмонхонасида ўз ишини бошлади.
Ўзбекистон Республикаси Бош вазирининг ўринбосари Азиз Абдуҳакимов мамлакатимиз Президенти Шавкат Мирзиёевнинг форум иштирокчиларига табригини ўқиб эшиттирди.
Бундан аввалроқ Президент Шавкат Мирзиёев «Марказий Осиё – жаҳон цивилизациялари чорраҳасида» халқаро форуми иштирокчиларига табрик йўллагани ҳақида хабар берилганди.
