Болалигимда "Манчестер Юнайтед" мухлиси бўлганман — Сон Хён-Мин
"Тоттенхем" ҳужумчиси Сон Хён-Мин болалик пайтида нима учун «Манчестер Юнайтед»га мухлислик қилгани ҳақида гапирди.
"Қизил иблислар»га болалигимдаёқ мухлис бўлганман. Чунки мен ва барча корейс болаларининг севимли футболчиси бўлган Пак Жи Сун ана шу клубда ўйнаган. Жи Сун бизнинг миллий қаҳрамонимиз эди. У кўплаб корейс болаларига ўзига нисбатан ишонч уйғотган. Чунки у Англия ченпионатида ўйнаган илк корейс эди.
Шу боис бўлса керак "Манчестер Юнайтед»да ўйнашни орзу қилганман, лекин ҳозир ундай эмас. Мен ҳозирда «шпорлар» билан бахтлиман”, — дейди Сон.
Маълумот учун: Пак Жи Сун 2005-2012 йиллар оралиғида "Манчестер Юнайтед" жамоаси шарафини ҳимоя қилган. Ушбу вақт оралиғида у 4 бор Англия чемпиони бўлган.
Эслатиб ўтамиз, бундан аввал Давид Луизнинг "Реал"га ўтиши мумкинлиги ҳақида хабар берган эдик.
Мақсаджон Обиджонов
