«Малика» савдо мажмуасида махсус кучлар юрибди. Тошкент ИИББ изоҳ берди
Ижтимоий тармоқларда Тошкент шаҳридаги «Малика» савдо мажмуасида ниқобланган махсус кучлар юргани акс этган видеолар тарқалди.
Мазкур видеода махсус кучлар отрядлари савдо мажмуаси ва ундаги дўконларда юрганини кўриш мумкин.
Тошкент шаҳар ИИББ ушбу ҳолат юзасидан изоҳ берди.
Маълум қилинишича, Шайхонтоҳур туманида Тошкент шаҳар ИИББ ходимлари томонидан «Хавфсиз шаҳар» концепцияси ижроси доирасида ҳамда жамоат тартибини таъминлаш, жиноятларнинг олдини олиш, гиёҳвандлик воситаларининг тарқалишига барҳам бериш мақсадида профилактик тадбирлар ўтказилмоқда.
