СССР дан қочган 18 ёшли қиз жасорати

 

Бу ҳолат ҳозирги Россия учун ақл бовар қилмас воқеа, аммо СССР даврида бундай уринишлар ҳеч кимни ажаблантирмаган экан.

 

“Zarnews.uz” нашри мухбири бу мавзу доирасида ўрганишлар олиб борди.

 

Маълумотларга кўра, Милиана Госинская 1961 йилда Луганск областидаги Алтевек шаҳарчасида туғилган. Вояга етгач, махсус тил йўналишидаги мактабда таҳсил олиб, хориж лингвистикасини қунт билан ўрганган. Изланишлар натижасида Ғарб турмуш тарзини совет турмуш тарзи билан таққослаган 18 ёшли қиз СССРдан чиқиб кетишга қарор қилган. Лекин бу режани амалга ошириш ўша вақтда бир мунча қийин вазифа эди. Техника билим юртида ўқиб, официантлик қилиш орқали етарлича маблағ жамғаргандан сўнг мақсадини амалга ошириш учун имкон пайдо бўлади.

 

1978 йилда у совет саёҳат кемаси «Леонид Собинов» теплоходида официант сифатида ўзининг биринчи чет эл саёҳатига чиқади. Австралия қирғоқларида қатор сабабларга кўра, теплоход туриб қолади. Милана учун бу айни муддао эди. Кечки овқатдан сўнг у ҳамма нарсасини қолдириб, ўз каютаси иллюминатори(ойнаси)ни очиб, сувга сакрайди. Сузиш кийимида пляжгача сузиб бориб, соҳилда сайр қилиб юрганларга полицияга бориши лозимлигини тушунтиради. Бу жараёнда Милианага хориж лингивистикасини ўрганганлиги қўл келади.

 

Дипломатлар қочоқ қизни теплоходга қайтариш учун кўп уринишади, лекин уларнинг барча ҳаракатлари зое кетади. Чунки, бу вақт Милиана, аллақачон, репортёрлар қуршовига тушиб, интервью бера бошлаган эди.

 

Қизнинг ўзидаги кучли қаршилик ва юқорида кўрсатилган сабаблар туфайли, турли хил қийинчиликлар билан унга Астралия фуқаролигини берилади. У «Дайли Мирор» газетаси фотосуратчиси Ян Хайсон билан оила қуради.  Бу турмуш олти йил давом этади. Ян Хайсондан Госинскаяга катта маблағ қолади.

 

Довюрак аёл 1990 йилда Англияга келиб, яна бир бор турмуш қуради ва бу никохидан икки нафар ўғил фарзанд кўради.

Айтилишича, Милиана кейинчалик Украинадан ота-онасини олиб келган ва ҳозирда матбуот билан умуман мулоқотга киришмайди.

 

Мафтуна Режаббоева тайёрлади