Афғонистонда юзлаб журналистлар эвакуация қилинмай қолиб кетди
Афғонистоннинг "Kam Air" хусусий авиакомпанияси журналистлар олиб кетилиши керак бўлган рейсда авиакомпания раҳбарияти қариндошлари учиб кетди. Бу ҳақда "ToloNEWS" хабар берди.
Самолёт БААга қўнган. Шундан кейин АҚШ Давлат департаменти ходимлари ўтказган текширувда эвакуация қилиниши керак бўлган шахслардан ҳеч қайсиси аниқланмаган. "Kam Air" ўзига қаратилган айбловларни рад этмоқда. Унга кўра, компания фақатгина йўловчиларни ташиши керак бўлган. Эвакуация қилиниши керак бўлган шахсларни тўплаш авиакомпания ваколатларига кирмаган.
"Бизда фақатгина Абу-Даби ва Тбилисига рейслар бор эди. Улар рўйхатга кўра амалга оширилди. Афғонистонда кўплаб одамлар қолиб кетгани сабабли бу каби миш-мишлар тарқалиб кетди", — деган "Kam Air" ижрочи директори Довуд Шарифий.
Шу билан бирга авиакомпаниядаги бир неча манба самолётда компания раиси қариндошлари бўлган. "Мен журналистман. Ҳамон Афғонистонда қоляпман. Кимдир номимдан фойдаланиб Афғонистондан чиқиб кетгани менга салбий таъсир қилди", —деган Афғонистон журналистлари Миллий ассоциацияси директори Аҳмад Шуайб Фано.
Эслатиб ўтамиз аввалроқ "Толибон" ҳукмронлиги ўрнатилгач, Афғонистонда юзлаб ОАВ ёпилгани ва толиблар журналистлар учун махсус қўлланма чиқаргани хабар қилинганди.
Жаҳонгир Қўзиев
