Олмазор туманида дўкон деворини тешиб кирган “каламуш”лар ушланди

Бу ҳақда Тошкент шаҳар ИИБ ахборот хизмати маълум қилди. 

У ўзининг ҳамтовоқлари  Баҳодир ва Шодиёр билан бирга Олмазор тумани "Чақишмон" ва "Беруний" кўчалари кесишмасида  жойлашган  тамаки маҳсулотлари дўконига  кириб, ўғирлик  содир этган.

Воқеа жойига  етиб борган тезкор тергов  гуруҳининг   аниқлашича, жиноятга қўл урган шахслар дўконнинг  девор қисмини темир асбоблар ёрдамида тешиб, 46 миллион сўмдан ортиқ тамаки маҳсулотларини ўғирлаб кетган. 

 Ушбу шахслар Самарқанд вилоятида қўлга олиниб, Олмазор тумани ИИБ тергов бўлимига  топширилди.

Мазкур ҳолат юзасидан уларга нисбатан  Жиноят кодексининг  169-модда 2-қисми “б”, ”в”, “г” бандлари ҳамда 169-модда  3-қисми “а” банди  билан жиноий иш қўзғатилиб, эҳтиёт чораси сифатида қамоққа олинган. Ҳозирда тергов ҳаракатлари давом этмоқда.

Аввалроқ Тошкентда уч нафар номаълум шахс дорихона сотувчисига пичоқ билан таҳдид қилиб, 15 миллион сўмни ўмариб кетгани ҳамда Юнусобод туманидаги дўконларнинг бирида ниқобланган икки нафар шахс қўлида пичоқ билан бостириб кириб, савдодан тушган пулларни олиб кетишгани ҳақида хабар берилганди.

Муножат Валиева