Россиялик 29 ёшли фитнес-мураббийи чўкаётган қизни қутқараман, деб ўзи чўкиб кетди
Фожиа Коста-Бланкада, айни бўрон кўтарилган пайтда юз берган Об-ҳавонинг ёмонлигига қарамай, қизлардан бири денгизда сузишга қарор қилган.
Аммо кучли тўлқинлар сабаб қирғоққа чиқа олмаган. Ҳолатни кузатиб турган мураббий қизни қутқариш учун ўзини сувга ташлаган ва уни чиқариб олишга муваффақ бўлган. Бироқ кутилмаганда катта тўлқин келиб, иккисини ҳам сув қарига тортиб кетган.
Видеони мураббийнинг рафиқаси тасвирга олган. Ҳатто, фожиадан бир неча соат олдин ўзининг шахсий Instagramида: "Шамол кучли, тўлқинлар кучли, сакраш вақти келди", — деб изоҳ қолдирган.
Маълумотларга кўра, уларнинг жасадлари бир неча кундан кейин қирғоқдан топилган.
Аввалроқ Россиядаги дарёдан ўзбекистонлик йигитнинг жасади топилгани ҳақида хабар берилганди.
Муножат Валиева
