Саакашвили нима учун Грузияга қайтгани маълум қилинди
Грузия собиқ президенти Михаил Саакашвили мамлакатга давлат тўнтариши уюштириш мақсадида келган. Бу ҳақда “Грузия орзуси” партияси раиси Ираклий Кобахидзе маълум қилди.
“У мамлакатга ўзининг давлат тўнтариши ҳақидаги таҳдидларини амалга ошириш ва Грузияда беқарорлик ўрнатиш мақсадида келган. Шунинг учун ҳуқуқни муҳофаза қилиш органлари унинг янги жиноятларини олдини олиш мақсадида чора кўрди”, – деган сиёсатчи.
Саакашвили 1 октябрь куни қамоққа олинган. У Грузияга 8 йиллик танаффусдан сўнг қайтиб келди. Собиқ президент 2004-2013 йилларда мамлакатни бошқарган. Шундан кейин кейин у Украина фуқаролигини қабул қилган ва бир қанча лавозимларда ишлаган.
Бундан аввал Саакашвили очлик эълон қилгани ҳақида хабар берилганди.
Жаҳонгир Қўзиев
