Майк Тайсон яна рингга қайтмоқчи
Афсонавий боксчи Майк Тайсон Тайсон Фюри билан жанг қилмоқчи эканини айтди.
Майк улар ўртасида ҳатто кўргазма жанги ташкил этишни ҳам таклиф қилди:
“Рой Жонсга қарши охирги жангимда кўплаб рекорд ўрнатдим. Мен шу онларда чемпионлик давримга қайтгандекман. Энди эса Тайсон Фюри билан жанг қилмоқчиман. Унинг гапига кўра, биз яқин орада кўргазма жангини ҳам ташкил қилишимиз мумкин”.
Эслатиб ўтамиз, 2020 йил ноябрь ойида Тайсон енгил вазн тоифасида собиқ чемпион Рой Жонс билан кўргазма дуэлини ўтказганди. Ўшанда саккиз раундлик жанг дуранг билан якунланганди. 54 ёшли Майк профессионал боксда 58 та жанг ўтказган. Уларнинг 50 тасида ғалаба қозонган бўлса, олти бор мағлубиятга учраган. Яна бир жанг турли сабаблар туфайли қолдирилган.
Аввалроқ Тайсон Холифилд билан жанг қилишни хоҳламагани ва Менни Пакьяо боксдаги фаолиятини якунлагани ҳақида хабар берилганди.
Жамшидбек Амиров
