Ертўлада қиморхона очган 21 ёшли шахс устидан жиноий иш қўзғатилди
Чуст туманида яшовчи, 2000 йилда туғилган фуқаро, Чуст шаҳрида яшовчи, 1962 йилда туғилган аёлнинг номида бўлган нотурар бино ертўласини ижарага олиб, «Чуст тезкор лотто» МЧЖ номидан фуқароларни ўртага пул тикиб, қимор ўйнашлари учун шароит яратиб берганлиги аниқланган.
Бу хақда ИИВ хабар қилди.
Ушбу ҳолат бўйича Чуст туман ИИБ ҳузуридаги ТБ томонидан 2021 йил 29 сентябрь куни Жиноят кодексининг 278-моддаси 1-қисми билан жиноят иши қўзғатилган.
Аввалроқ, Ангренда эри томонидан қиморга тикилган аёл ҳамда онлайн қимор ортидан мол мулкидан айрилган шахслар ҳақида хабар берган эдик.
Муножат Валиева
