Қайд этилишича, мамлакат тарихида илк бор пандемиялар даврида ёшлар ҳуқуқлари бўйича БМТнинг Инсон ҳуқуқлари бўйича кенгаши резолюцияси лойиҳаси қабул қилинди. Ҳужжатнинг қабул қилинишини БМТнинг Инсон ҳуқуқлари бўйича кенгашига аъзо барча 47 та давлат бир овоздан қўллаб-қувватлаган. Дунёнинг 37 мамлакати ҳаммуаллифлик қилган.

 

Эслатиб ўтамиз, Ўзбекистон илк бор 2020 йил октябрь ойида БМТнинг Инсон ҳуқуқлари бўйича кенгашига уч йиллик муддатга (2021—2023 йиллар) сайланган эди. Ўзбекистон учун 169 та давлат овоз берганди.

 

21 сентябрь куни Шавкат Мирзиёев БМТ Бош Ассамблеясининг 76-сессиясида видеомурожаат билан сўзга чиққанди. Ўзбекистон Президенти ўз нутқида янги шароитларда БМТ ва унинг ихтисослашган тузилмаларининг аҳамияти ва ўрни тобора ортиб бораётганини қайд этган эди.

 

Аввалроқ Шавкат Мирзиёевнинг БМТ Бош Ассамблеясининг 76-сессиясидаги нутқи Жанубий Корея матбуотида чоп этилгани ҳақида хабар берилганди.