Британия махсус хизматлари Россияни AstraZeneca таркибини ўғирлашда айблади
Британия махсус хизматлари Россияни AstraZeneca вакцинаси таркибини ўғирлашда айбламоқда. Бу ҳақда "The Sun" хабар берди.
Разведка маълумотларига кўра, уларда вакцина ўғирланишига доир далиллар бор. Улар россиялик олимлар Оксфорд вакцинасини ишлаб чиқаришда қўлланиладиган технологияларни “Спутник -V”ни тайёрлашда фойдаланганини маълум қилди.
Баъзи тахминларга кўра, вакцина таркиби махсус жосуслар томонидан қўлга киритилган. Махсус хизматлар АҚШ, Канада ва Буюк Британияда Covid-19 га қарши вакцина ишлаб чиқарадиган компанияларга Москва томонидан молиялаштириладиган ҳакерлар ҳужум қилганига “95 фоиз амин” эканини маълум қилди. Буюк Британия парламенти аъзоси Боб Сили Россия ва Хитой разведкалари ҳатти-ҳаракатларига жиддий эътибор бериш зарурлигини таъкидлади.
Бундан аввал коронавирус Хитойда 2019 йилдаёқ тарқалиб кетган бўлиши мумкинлиги ҳамда Россия ҳакерлари АҚШ ҳукуматига киберҳужум уюштиришга ҳаракат қилаётгани хабар қилинганди.
Жаҳонгир Қўзиев
