Транспорт соҳасига доир қонуний ҳужжатларга қўшимча ва ўзгартишлар киритилди
Президентнинг “Фуқаро авиацияси корхоналарини трансформация қилиш ва қўллаб-қувватлаш чора-тадбирлари тўғрисида”ги қарорига мувофиқ ҳамда “Шовот-Қораўзак янги темир йўл линияси ҳамда Амударё устидан ўтувчи темир йўл ва автомобиль йўли қўшма кўпригини қуриш” инвестиция лойиҳасини ўз вақтида, муваффақиятли амалга ошириш мақсадида Вазирлар Маҳкамасининг айрим қарорларига ўзгартириш ва қўшимчалар киритилди.
Жумладан, ташқи савдо операциялари амалга оширилиши мониторингини олиб бориш ва назорат қилиш тартиби тўғрисидаги низом, давлат харидларидаги иштироки вақтинчалик тақиқланган, чегараланган хорижда ишлаб чиқарилган товарлар, шунингдек, хорижий шахслар томонидан бажариладиган ишлар рўйхатига ўзгартириш ва қўшимчалар киритилди.
Шунингдек, хўжалик юритувчи субъектларга, агар асбоб-ускуналар ва бутловчи буюмлар етказиб бериш, шу жумладан, уларни узоқ муддатли ижарага бериш ҳамда уларнинг техник хусусиятлари ва ўзига хослигидан келиб чиққан ҳолда кечиктирилган қарзлар учун жарима олинмайди.
Бундан ташқари, ташқи савдо контрактлари ва инвойсларга идентификация рақамларини бериш тартибига ўзгартишлар киритилди. Хусусан, ташқи савдо операциялари турлари рўйхати қуйидаги позициялар билан тўлдирилди:
20 – лизинг асосидаги экспорт шартномалари;
21 – лизинг асосидаги импорт шартномалари;
Ҳужжатда киритилган изоҳга мувофиқ давлат харидларидаги иштироки вақтинчалик тақиқланган, чегараланган хорижда ишлаб чиқарилган товарлар, шунингдек, хорижий шахслар томонидан бажариладиган хизматларнинг рўйхати ҳаво кемалари ва авиадвигателларга техник хизмат кўрсатиш, таъмирлашда қўлланиладиган ҳамда олиб кириладиган эҳтиёт қисмлар, деталлар сарфланадиган материалларга нисбатан татбиқ этилмайди.
Эслатиб ўтамиз, бундан аввал Ўзбекистон ва Россия ҳарбий машғулотларига авиация ҳам жалб этилиши ҳақида хабар берилганди.
Чўлпоной Аҳмедова
