“Толибон” ҳокимиятини энг аввало Афғонистон қўшнилари тан олиши керак — Илҳом Алиев
Илҳом Алиев “Толибон” тан олиниши ҳақида гапирди. Бу ҳақда Озарбайжон президенти La Repubblica нашрига берган интервьюсида фикр билдирган.
“Кобул томонидан ижобий қадамлар бўлган тақдирда Озарбайжон шунга мос қадам ташлайди. Бу масалада бизнинг асосий тамойилимиз – мустақиллик ва прагматизм.
Шу билан бир қаторда толиблар ҳукуматини энг аввало Афғонистон қўшнилари тан олиши керак”, – деган Алиев.
Шунингдек, Озарбайжон раҳбари Афғонистонда ўз аскарлари иштирокига тўхталиб ўтди. Унга кўра, Озарбайжон аскарлари энг охиргилардан бўлиб Кобул аэропортини тарк этган. “Биз ўз вазифамизни сўнгги кунгача максимал даражада самарали бажардик”, – деб қўшимча қилган Алиев.
Бундан аввал Канада афғон қочқинларининг катта қисмини қабул қилиши маълум бўлганди. Шунингдек, Эрдўған “Толибон” ҳукумати муваффақиятсизликка учраганини айтганди.
