Термизда “Толибон” билан музокаралар бошланди
Учрашув тўғрисида ташқи ишлар вазири Абдулазиз Комиловнинг 7 октябрь куни Афғонистонга ташрифи пайтида келишувга эришилган эди.
Афғонистон томонидан бош вазирнинг иккинчи ўринбосари Абдусалом Ханафий музокара ўтказади. Ўзбекистон тарафидан эса Бош вазир ўринбосари — Инвестиция ва ташқи савдо вазири Сардор Умрзоқов делегацияга бошчилик қилмоқда.
Катта эҳтимол билан савдо-иқтисодий, жумладан, “Сурхон – Пули-Хумри” электр узатиш тармоқлари ва “Мозори-Шариф – Кобул – Пешовар” йўналиши бўйлаб темир йўл қуриш лойиҳаларини амалга ошириш масалалари музокараларнинг асосий мавзуси бўлиши кутилмоқда.
Бундан аввал АҚШ Кобулдаги авиазарбадан ҳалок бўлганлар оиласига компенсация таклиф қилгани ҳамда Термизга БМТнинг Афғонистон учун ажратган гуманитар ёрдами етиб келгани хабар қилинганди.
