Xонанда Зоҳиднинг рафиқаси ажрашмоқчи
“Уммон” гуруҳидаги ижодий фаолияти билан танилган хонанда Зоҳид Рихсиевнинг рафиқаси Камола Ортиқова Instagram саҳифаси орқали мухлислардан келган саволларга жавоб берди.
Унинг обуначиларидан бири Камола Ортиқовадан Зоҳид билан нима учун ажрашаётгани ҳақида сўраган.
Камола Ортиқова эса ушбу саволга жавобан “Ажрашаётганимизнинг сабабини айта олмайман. Лекин бирга яшамаётганимиз аниқ. Ярашиш ниятим ҳам йўқ. Бошқа саволларга жавоб бера олмайман”, деб изоҳ қолдирган.
Маълумот учун, Камола Ортиқова хонанда Зоҳиднинг 12 йиллик муҳаббати эди. Улар 2020 йилнинг октябрь ойида турмуш қуришганди.
Аввалроқ, хонанда Рухшона турмуш ўртоғидан ажрашгани ҳақида хабар бергандик.
Мафтуна Режаббоева тайёрлади
