Йўқолган уяли телефон эгасининг уйидан топилди

Ижтимоий тармоқларда   Зафар Атаханов  “Сирдарёда ногирон киши босқинчиликка учради”  сарлавҳаси остида хабар тарқатди. Мазкур ҳолат юзасидан  Сирдарё вилояти ИИБ  ходимлари  ўрганиш олиб борди.

Маълум бўлишича, фуқаро  Ҳ. Алибоев ИИБнинг "102"  рақамига қўнғироқ қилиб, уйида номаълум шахслар юргани тўғрисида хабар берган. Тергов-тезкор гуруҳ воқеа жойига зудлик билан етиб  борган. Эшикни  Х.Алимбоевнинг ўзи маст ҳолда очиб,  “SAMSUNG A10S” русумли қўл телефонини эҳтиётсизлик оқибатида йўқотиб қўйгани, уни топишда ёрдам беришларини сўраган. Лекин воқеа жойига етиб борган тергов-тезкор гуруҳи ходимлари унинг қўл телефонини ўзининг уйидан топиб берган.  Хонадон тўлиқ кўздан кечирилганда  ҳеч қандай босқинчилик аломати  аниқланмаган.

Бундан аввал Тошкентда 3 нафар номаълум шахс дорихона сотувчисига пичоқ билан таҳдид қилиб, 15 миллион сўмни ўмариб кетгани ҳамда Андижонда танишининг телефонини тортиб олиб, товламачилик қилган икки шахс ушлангани ҳақида хабар берилганди.

 

Муножат Валиева