Хитойлик талабалар Apple компаниясини судга берди
Талабалар Apple жамланмасига қувватлагичлар қайтарилишини талаб қилишни сўрашган.
Маълумотларга кўра, 25 октябрь куни Пекин кимё технологиялари ва Донгхуа университети талабалари Apple’ни судга берган. Бунга компаниянинг янги қурилмалари қувватлагичсиз чиқарилётгани сабаб бўган. Даъвогарнинг таъкидлашича, iPhone'нинг янги сериялари қувватлагичсиз сотилиши истеъмолчиларнинг ҳуқуқ ва манфаатларини бузмоқда. Улар Apple жамланмасига қувватлагичлар қайтарилишини талаб қилишни сўрашган.
Apple қувватлагичларни атроф-муҳитга зарар етказмаслик мақсадида чиқармаётган эди. Aммо даъвогарлар бу қарорни тўғри эмас деб ҳисобламоқда. Компания маҳсулотни ишлаб чиқаришда давом этяпти ва улар алоҳида сотилади. Бу орқали Apple қўшимча даромад олмоқда.
Ушбу қарор компания томонидан ўтган йили чиқарилган. iPhone 12 қувватлагичсиз сотилган дастлабки смартфон бўлди. Шундан кейин бошқа технологик гигантлар ҳам шу тактикага ўтиб олди.
Аввалроқ, Apple компаниясини iPhone 13 ишлаб чиқаришни қисқартириши ва бу каби ерик компаниялар Ўзбекистонга қанча солиқ тўлаши ҳақида хабар берган эдик.
Юлдуз Рустамова
