Унда айтилишича, учта йирик хорижий компаниянинг ўзи Ўзбекистон ғазнасига жами 14 миллиард сўмдан ортиқ солиқ тўлаган.
Маълумотларга кўра, ўтган сентябрь ойида давлат ғазнасига Facebook - 7,6 миллиард, Google - 4,6 миллиард, Apple - 2,2 миллиард, Netflix - 331 миллион, Yandex - 256 миллион сўм ўтказган.
Шуни таъкидлаш керакки, 2020 йилнинг бошидан буён Ўзбекистонда сотиш жойи бўлган компаниялар ўз хизмат ва товарларини электрон шаклда сотса ҳам солиқ тўловчилар деб юритилиши шарт этиб белгиланган.
Давлат солиқ қўмитаси шуни ҳисобга олган ҳолда Ўзбекистонда фаолият юритаётган хорижий Интернет компанияларга рўйхатдан ўтишга ва солиқ тўлашни бошлашга имкон берадиган ҚҚС бўйича офис яратган.
Ўтган икки йил мобайнида Ўзбекистонда доимий ваколатхона очмасдан жисмоний шахсларга электрон хизмат кўрсатувчи 28 та хорижий компания солиқ органларидан рўйхатдан ўтган. Улар орасида “Booking.com”, “Netflix International”, “Apple”, “Facebook”, “Yandex”, “Huawei” ва бошқалар бор.
Бундан аввал Ўзбекистоннинг ярим йиллик даромадлари миқдори маълум қилингани, солиқ тўлашдан бўйин товлаган шахс жавобгарликка тортилиши ҳамда рақамли иқтисодиёт соҳасидаги қатор ҳужжатларга ўзгартириш киритилгани ҳақида хабар берилганди.
Оламгир Абдиев